_700.jpg)
Բարի Գալուստ
ՀՀ կրթության և գիտության նախարարության Երևանի հայ-ամերիկյան «Էրեբունի» պետական բժշկական քոլեջ
Մենք ողջունում ենք ձեր նախաձեռնությունը ուսումը շարունակել մեզ մոտ և ուրախ ենք, որ ընտրել եք Երևանի «Էրեբունի» պետական բժշկական քոլեջը, քոլեջ, որն ունի տասնամյակների պատմություն և բժշկական միջին մասնագիտական կադրեր պատրաստելու հարուստ փորձ: Այն հանրապետությունում ճանաչված է որպես առաջատար կրթական հաստատություն:
Քոլեջում Ձեզ հնարավորություն կտրվի ընտրություն կատարել ըստ Ձեր նախասիրությունների հետևյալ 9 մասնագիտությունների միջև` «Քույրական գործ», «Մանկաբարձական գործ», «Դեղագործություն», «Լաբորատոր ախտորոշում», «Բուժական կոսմետոլոգիա», «Բուժական մերսում», «Քույրական գործի կազմակերպում», «Ատամնատեխնիկական գործ», «Հիվանդի ընդհանուր խնամք»: Բոլոր մասնագիտությունները մեծ պահանջարկ ունեն աշխատաշուկայում, որոնց մասին ավելի մանրամասն կարող եք տեղեկանալ համապատասխան մասնագիտություններ մուտք գործելով:
Ուսուցումը բարձր հիմքերի վրա է դրված շնորհիվ միջազգային չափանիշներին համապատասխան պետական կրթական չափորոշիչների, ուսումնական պլանների և առարկայական ծրագրերի: Քոլեջն ունի ժամանակակից սարքավորումներով և ուսումնադիտողական պարագաներով հագեցած կաբինետ-լաբորատորիաներ, համակարգչային հագեցվածություն, ինտերնետային կապ, հարուստ գրադարան: Պրակտիկ ուսուցումն անցնում է մայրաքաղաքի լավագույն կլինիկական բազաներում: Քոլեջի բարձր որակավորում ունեցող 130 դասախոսները կօգնեն ձեզ դառնալու առողջապահության միջին օղակի արդի պայմաններում մրցունակ մասնագետներ: Քոլեջն առաջարկում է նաև անգլերեն լեզվով անցկացվող կուրսեր, որի նպատակն է մեկ ընդհանուր միջազգային միջավայր ինտեգրել ուսանողներ աշխարհի տարբեր մասերից:
Կրկին ողջունում ենք Ձեր գալուստը Երևանի «Էրեբունի» պետական բժշկական քոլեջ:
Ալինա Քուշկյան ԲԳԴ
Քոլեջի տնօրեն,
ՀՀ Առողջապահության նախարարության ԱԱԻ «Քույրական գործի կազմակերպում» ամբիոնի վարիչ, ՀՀ Առողջապահության նախարարության քույրական գործի գլխավոր մասնագետ:
